राजकुमार ठाकुर
कपिलवस्तु
कपिलवस्तुको शिवराज नगरपालिका वडा नम्बर ३ मा रहेको मिलिजुली महिला विकास बचत तथा ऋण सहकारी संस्था लिमिटेडले किशोरीहरूको शैक्षिक गुणस्तर वृद्धिका लागि गाउँ गाउँमा रूपान्तरण कक्षा सञ्चालन गरेको छ ।
शिवराज नगरपालिकाको वडा नम्बर ३ खरेन्द्रपुर, मदवा र नयाँबस्ती गाउँमा रूपान्तरण कक्षा सञ्चालन गरेको मिलिजुली महिला विकास बचत ऋण तथा सहकारी संस्थाको अध्यक्ष दीपा बेलबासेले जानकारी दिनुभयो । युनिसेफ र सिद्धार्थ सामाजिक विकास केन्द्रको सहयोगमा किशोरीहरूको शैक्षिक गुणस्तर वृद्धि गर्नका लागि हप्ताको शनिबार दिउँसो रुपान्तरण कक्षा सञ्चालन हुने गरेको अध्यक्ष बेलबासेको भनाई रहेको छ । गाउँ गाउँमा रूपान्तरण कक्षा सञ्चालन भएपछि किशोरीहरु खुशि भएका छन । कक्षा वार्षिक रूपमा ४२ हप्ता सञ्चालन हुनेछ । कक्षाले किशोरीहरूलाई ज्ञान, सीप र आत्मविश्वास प्रदान गर्ने लक्ष्य लिएको छ ।
शिवराज नगरपालिकाको १ सय २५ जना किशोरीहरूलाई पाँचवटा समूहमा कक्षा सन्चालन भइरहेको मिलिजुली महिला विकास बचत तथा ऋण सहकारी संस्था लिमिटेडले जनाएको छ ।
