धर्मेन्द्र कुमार कुर्मी
राष्ट्रनिर्माता पृथ्वीनारायण शाहको ३०४ औँ जन्मजयन्ती विभिन्न कार्यक्रम गरी मनाइँदै छ। वि.सं. १७७९ मा जन्मिएका शाहको जन्मजयन्ती तथा राष्ट्रिय एकता दिवस आइतबार मुलुकभर विभिन्न कार्यक्रम आयोजना गरी मनाउन लागिएको हो।
जिल्ला कपिलवस्तुको कृष्णनगर नगरपालिकामा हर्सोउल्लासका साथ नेपालको एकीकरणकर्ता पृथ्वीनारायण शाहको जन्मजयन्ती तथा एकता दिवस मनाइएको छ। राष्ट्रीय प्रजातन्त्र पार्टीको आयोजनामा कृष्णनगर बजारमा सो दिवस मनाइएको हो। कार्यक्रममा पृथ्वी नरायण शाहले नेपाल एकिकरणमा गरेको योगदान विर्सन नसकिने कुरा स्मरण गराउदै सम्पूर्ण नेपालीहरू राष्ट्र समृद्ध बनाउन लाग्नुपर्नेमा वक्ताहरुले जोड दिएका छन।
राष्ट्रिय प्रजातन्त्र पार्टी कपिलवस्तु जिल्लाको कृष्णनगर नगर अध्यक्ष जय प्रकाश गुप्ताको अध्यक्षतामा राष्ट्र निर्माता श्री ५ पृथ्वी नारायण शाह देव सरकार को ३०४ औं जन्मोत्सव तथा राष्ट्रिय एकता दिवस दिप प्रज्वलन कार्यक्रम सम्पन्न भएको थियो।
केन्द्रीय सदस्य श्याम कुमार मिश्र,लुम्बिनी प्रदेश सदस्य दीपक रजौरिया, राम सेवक यादव, युवा संगठनका जिल्ला अध्यक्ष सुनील कुमार मोदनवाल, युवा संगठनको जिल्ला सचिव राहुल मोदनवाल, क्षेत्र नं को अध्यक्ष प्रताप सिंह चौधरी,३ ख अध्यक्ष सुरेन्द्र प्रसाद मौर्य, नगर सचिव डाक्टर अखिलेशवर पान्डे, माता बर्मा, रबि कशौधन, महेश चतुर्वेदी,मोइद अहमद लगायत को उपस्थितमा कार्यक्रम संपन्न भएको छ।
कार्यक्रम राष्ट्रीय प्रजातन्त्र पार्टीका जिल्ला सचिव प्रेम शंकर शुक्लाले कार्यक्रम सञ्चालन गर्नुभएको थियो।
